-
Dathlu yn Ysgol Gyfun Cwm Rhondda
Mae disgyblion Chweched Dosbarth yr ysgol yn dathlu yn dilyn cyhoeddi canlyniadau Safon Uwch ac Uwch Gyfrannol 2019, gyda myfyrwyr Blwyddyn 13 yn ennill rhai o‘r canlyniadau gorau yn hanes yr ysgol.
Llwyddodd 100% o ddisgyblion i sicrhau gradd A*-E mewn 24 o’r pynciau sydd ar gael i ddisgyblion eu
… Read More -
Mission to Mars
Dyma lun o ddisgyblion blwyddyn 7 yn ystod eu hymweliad i Amgueddfa Genedlaethol Cymru. Thema'r diwrnod oedd 'Taith i'r Blaned Mawrth.'
Read More -
Ysgol Gyfun Cwm Rhondda yn derbyn gwahoddiad i ddathliad Cenedlaethol Rhaglen Pobl Ifanc Amser i Newid Cymru
Cynllun peilot cenedlaethol cyntaf i fynd i'r afael â stigma iechyd meddwl ymhlith plant a phobl ifanc. Mae YGCR wedi ymrwymo’n llawn i’r cynllun peilot am dair blynedd. Cyfle felly i ddathlu a thynnu sylw at lwyddiannau'r Rhaglen Pobl Ifanc Amser i Newid Cymru ar adeg hollbwysig, wrth i'r Llywodraeth
… Read More -
Ail-Gylchwch Eich Pecynnau Creision!!
Yr wythnos hon byddwn yn lawnsio ein hymgyrch i leihau ar ein gwastraff wrth ymuno â chwmni Terracycle sy’n ail-gylchu pecynnau creision gwag. Bydd bin arbennig ar gyfer ein pecynnau creision tu allan i’r dderbynfa o ddydd Mawrth ymlaen. Gwnewch eich rhan!
Read More -
Ymgyrch Ailgylchu
Diolch i ddisgyblion Blwyddyn 7 am drefnu ymgyrch ailgylchu yr wythnos hon, oedd yn cynnwys casglu deunyddiau plastig i'w hail-gylchu. Gwych!
Read More -
Gwych Renée!
Llongyfarchiadau mawr i Renée Phelps o Flwyddyn 11 ar ei llwyddiant arbennig ym Mhencampwriaeth Ddawns y Byd yn Orlando yn ddiweddar. Llwyddodd Renee a’i thîm, sef aelodau o gwmni dawns RSD ac aelodau o’r sgwad cenedlaethol, i roi Cymru ar y map gyda’u perfformiadau ardderchog! Gwych Renée!
Read More -
Llongyfarchiadau
Dyma Sam, Mackenzie, Tomas a Keane o Flwyddyn 8 gyda'r 'Easter Cup' enillon nhw mewn twrnament pêl-droed diweddar yn yr Iseldiroedd - gwych fechgyn!
Read More -
Llongyfarchiadau Logan
Llongyfarchiadau mawr i Logan Williams o Flwyddyn 8 ar ennill medal efydd mewn Pencampwriaeth Paffio Prydeinig yn ddiweddar. Gwych Logan!
Read More
- 1
- 2
- 3
- 4
- 5
- 6
- 7
- 8
Croeso
Pleser a braint yw cyflwyno’r wefan hon i chi. Mae’n adlewyrchu popeth sy’n bwysig i ni yma yn Ysgol Gyfun Cwm Rhondda yng nghalon Cwm Rhondda – ein hiaith, ein tir, ein hanes a’n hetifeddiaeth.
Anelwn at sicrhau’r gorau i’n disgyblion, ym mhob agwedd o fywyd ysgol. Mae ein staff brwd, ymroddgar, y filltir ychwanegol, yn gweithio’n ddiflino er mwyn sicrhau bod ein pobl ifanc yn cyrraedd y safonau gorau a fedrant, sy’n eu paratoi ar gyfer addysg gydol oes. Mae pob unigolyn yn bwysig i ni yma’n y Cymer, ac anelwn at ddatblygu pob sgil, medr, a gallu, trwy ddarpariaeth addysgol a chyfleoedd eang a chyffrous sy’n gweddu’r unfed ganrif ar hugain. Mae dwyieithrwydd rhugl ein disgyblion yn destun balchder i ni.
Mae Cymreictod a pharch yn greiddiol i’n bodolaeth yma. Parch at ein hunain, parch at eraill, a’n hamgylchfyd. Parch at ein hiaith, ein gorffennol, a’n diwylliant unigryw. Ymfalchiwn yn ein hunaniaeth a chyrhaeddiadau’n gilydd. Anelwn at greu amgylchfyd gwaraidd sy’n hybu lles a datblygiad pawb yn ein cymuned.
Mae’n partneriaethau’n bwysig i ni. Mae ein partneriaeth agos gyda’r cartref yn allweddol i ni er mwyn sicrhau safonau uchel ym mhob agwedd o waith yr ysgol, a chynhaliaeth ystyrlon ar gyfer ein disgyblion. Mae'r wefan hon yn gam pwysig tuag at sefydlu'r berthynas hanfodol honno.
Dymunwn bob llwyddiant a hapusrwydd i'n disgyblion fel aelodau o deulu’r Cymer.
Rhian Morgan Ellis
Pennaeth
Dyddiadau Pwysig
Dyddiadau'r Tymor
Hydref 2019
2il o Fedi - 25ain o Hydref
4ydd o Dachwedd - 20fed o Rhagfyr
Gwanwyn 2020
6ed o Ionawr - 14eg o Chwefror
24ain o Chwefror - 3ydd o Ebrill
Haf 2020
20fed o Ebrill - 22ain o Fai
1af o Mehefin - 20fed o Orffennaf
Arian Cinio Arlein
Eye to Eye - Gwasanaeth Cwnsela ar gyfer Pobl Ifanc
YEPS
Trydar
Cymdeithas Rhieni Staff
Dewch i ymuno â ni!
Ry’n ni’n gweithio’n ddiflino i ehangu adnoddau cymuned yr ysgol er lles y disgyblion a phawb. Felly, dewch i ymuno â ni!
Am fwy o wybodaeth, cysylltwch â Sara Connolly ar 01443 686344 neu 07549607155
Sefydlwyd Clwb Y Cymer 200 gan CRS Ysgol Gyfun Cwm Rhondda. Tynnir rhif yn fisol. Defnyddir hanner yr arian i dalu am wobrau ac mae gweddill yr arian yn mynd tuag at yr ysgol. Gorau po fwyaf yw'r aelodaeth, gorau po fwyaf yw'r gwobrau!
Er mwyn ymuno, llenwch y ffurflen a'i dychwelyd i'r ysgol os gwelwch yn dda.
Dewch i ymuno / Come and join us!!
Manylion Cyswllt
Heol Graigwen
Cymer
Porth
Rhondda Cynon Taf
CF39 9HA
Diogelwch ar y Wê
Bod yn Ddwyieithog
